Leikboð - on the go

Mig langar að deila með ykkur leikboði sem ég útbjó einu sinni fyrir börnin mín. Þá vorum við að undirbúa flutninga og við fórum einn helgardag í nýja húsið til að þrífa, mála og fleira sem þarf að gera áður en flutt er inn. Það var ekkert í húsinu og börnin of ung til að vera ein úti að leika á nýjum stað.

Þannig að ég þurfti að hafa með okkur einhverja afþreyingu sem gæti haft ofan af fyrir þeim í góðan tíma!

Ég útbjó brúnan leir. Þú getur notað venjulega leir uppskrift en sett bökunarkakó í staðin fyrir smá af hveitinu. Svo bætti ég við gröfum og vinnuvélum, kefli, steinum, könglum, götulímbandi og sitthverju fleiru sem ég taldi að börnin gætu notað í leikinn.

Ég notaði GLIS box frá ikea sem er mjög hentugt fyrir svona ‘on the go’ leikboð. Þau fengu sitthvort boxið til að draga úr líkum á einhverjum árekstrum þennan dag en enduðu á að sameina það sem var í boxunum.

Vonandi nýtist þessi hugmynd!